Ultimas novas

Chano Piñeiro, Filmografía


O camiño das estrelas | Mediametraxe

Ficha artística

Dirección: / Chano Piñeiro
Música: / Carlos Ferrant / Marcial Prado

Ver a Mediametraxe

Ficha técnica

Subvención ou axuda pública / Consellería de Cultura (Xunta de Galicia)
Titulo orixinal: O camiño das estrelas
Tipo: Mediametraxe
Xénero: Drama
Encargo; Realizada a cor; Duración: 34'
Orixe: Galicia
Ano: 1993
Idioma V.O.: Galego

Historia de amor entre un home lobo e unha serea é a desculpa para mostrar diferentes aspectos da cultura galega. Foi un encargo de Vázquez Portomeñe que produciu a S.A. de Xestión do Plan Xacobeo 93, ademais da última obra de Chano Piñeiro.

Eu, o tolo | Longametraxe

Ficha artística

Dirección: / Chano Piñeiro

A vida de Eu desde neno até chegar a presidente do goberno, pasando polo cárcere.

Ficha técnica

Titulo orixinal: Eu, o tolo
Tipo: Longametraxe
Xénero: Drama
Produción propia; Realizada a cor; Duración: 110'
Orixe: Galicia
Ano: 1978
Idioma V.O.: Galego

Os paxaros morren no aire | Mediametraxe

Ficha artística

Dirección: / Chano Piñeiro
Intérpretes: / Xosé Manuel Olveira "Pico”

Ficha técnica

Produtora / Luciano Piñeiro Producciones Cinematográficas, S.A.
Tipo: Mediametraxe
Xénero: Social
Produción propia; Realizada a cor; Duración: 34'
Orixe: Galicia
Ano: 1977
Idioma V.O.: Galego

Unha rapaza pretende facer unha ponte entre dous montes, pensando que será unha vantaxe para o seu pobo. Na busca de axuda atoparase con Castelao e Basilio Álvarez.

Palmarés: Mereceu o premio Film de Oro do Ministerio de Cultura e o de Mellor Guión no IV Certame de Cine Afeccionado de Vilagarcía (1978). Quijote de Honor e segundo premio do IX Certamen Ciudad del Alcalá de Henares (1978).

Mamasunción| Curtametraxe

Ficha artística

Dirección: / Chano Piñeiro

Ver a Curtametraxe (Unda Curta)

Ver a Curtametraxe (flocos.tv)

Ficha técnica

Distribuidora / Baños Films
Titulo orixinal: Mamasunción
Tipo: Curtametraxe
Xénero: Drama
Produción propia; Realizada a cor; Duración: 21'
Orixe: Galicia
Ano: 1984
Idioma V.O.: Galego

Unha anciá ve pasar os días sen que lle cheguen noticias do seu fillo, emigrado hai moito tempo en América. Unha ollada lírica e crítica sobre os efectos da diáspora galega.

Palmarés: Gran premio do cine español e trofeo do Instituto de Cooperación Iberoamericano no XXVI Festival Internacional de Bilbao (1984). Premio da Crítica na Sección de Artes e Ciencias da Representación en Galicia (1985). Premio da Federación Internacional de Críticos en Oberhausen (1985). Premio da Federación Internacional de Cineclubes Cracovia (1985). Gran premio de curtametraxes en Figueira da Foz (1985). Segunda película máis votada polo público no festival de Sidney (1985). Gran premio do festival de Tetuán (1986).

'Onda Curta' emite a curtametraxe Mamasunción, do director xa finado de Forcarei Chano Piñeiro, e do que se cumpren vinte e cinco anos da súa rodaxe. Mamasunción constitúe un fito na historia do cinema galego.
Recibiu o Gran Premio do Cine Español en Bilbao e foi premiada tamén en Oberhausen (Alemaña); Cracovia (Polonia); Clermont Ferrand (Francia), Edimburgo (Gran Bretaña), e Sydney (Australia).
A partir desta curta, a primeira que Chano Piñeiro rodou en cine, o director de Forcarei constituíuse no director máis senlleiro do audiovisual galego recente, cuxa obra culminaría coa longametraxe Sempre Xonxa.
Mamasunción é un relato de gran fondura lírica que nos achega en toda a súa crueza ao drama da emigración a partir da historia da muller protagonizada por Sunción Ogando Rodríguez, de rostro inesquecible pola súa inmensa expresividade. Durante corenta anos achégase cada día á oficina de correos na procura da carta de seu fillo emigrado.
Un día, por fin, recibe a carta tan agardada, pero non sabe ler.

 

Esperanza | Curtametraxe

Ficha artística

Cámara: / Juan Masides
Deseño de decorados: / Marta Villar
Dirección: / Chano Piñeiro
Dirección fotografía: / Javier Salmones
Guionista: / Chano Piñeiro
Intérpretes: / Rosa Álvarez / Ernesto Chao / Manuel Lourenzo / Vicente Montoto / Xosé Manuel Olveira "Pico” / Antón Reixa
Montaxe: / Cristina Otero / Luís M. del Valle
Música: / Pablo Barreiro
Xefatura de produción: / Soledad Polo
Xefatura de son: / Pablo Barreiro

Ficha técnica

Produtora / Luciano Piñeiro Producciones Cinematográficas, S.A.
Subvención ou axuda pública / Concello de Vigo
Tipo: Curtametraxe
Xénero: Drama
Produción propia; Realizada a cor; Duración: 34'
Orixe: Galicia
Ano: 1986
Idioma V.O.: Galego

O problema do alcoholismo no pai dunha familia visto desde a perspectiva dun neno.

Palmarés: Representou España no Premio de Curtametraxes da CEE (1987)

 

Sempre Xonxa | Longametraxe

Ficha artística

Axudante de dirección: / Julián Núñez
Deseño de decorados: / Rodrigo Roel
Dirección: / Chano Piñeiro
Dirección fotografía: / Miguel Ángel Trujillo
Figurinista: / Yolanda Alimbau
Guionista: / Chano Piñeiro
Intérpretes: / Manuel Alonso Pérez / Uxía Blanco / Manuel Botana / Roberto Casteleiro / Margarita Fernández / Roberto Fernández / Miguel Ángel Gómez / Miguel Ínsua / Loles León / Xavier R. Lourido / Aurora Redondo / Javier Rocha / Rodrigo Roel / Gisela Romero / Roberto Vidal Bolaño / María Viñas / Roberto "Txaka” Escudero
Maquillaxe: / Mariano G. Rey
Montaxe: / Cristina Otero
Música: / Pablo Barreiro / Carlos Ferrant / Marcial Prado
Produción: / M. Martínez Mallo
Xefatura de produción: / Rafael Girón

Ver Longametraxe

Ficha técnica

Distribuidora / Baños Films / Biblos Clube de Lectores / La Voz de Galicia
Produtora / Luciano Piñeiro Producciones Cinematográficas, S.A.
Subvención ou axuda pública / Consellería de Cultura (Xunta de Galicia)
Titulo orixinal: Sempre Xonxa
Tipo: Longametraxe
Xénero: Drama
Produción propia; Realizada a cor; Duración: 114'
Orixe: Galicia
Ano: 1989
Idioma V.O.: Galego
Dobrada: Castelán
Recadación: 138.638 €
Espectadores: 62.203

Historia dunha muller, Xonxa, e dous homes, Pancho e Birutas, dende a súa infancia no ano 1947 ata a súa madurez no ano 1986. A emigración nas súas dúas vertentes de éxito e miseria, a complexidade das relacións humanas, a lenda que se confunde coa realidade nunha aldea que vai morrendo nos montes de Galicia.

No ano que se cumpreu unha década desde a morte de Chano Piñeiro (Santiago,1954-Vigo,1955). Vía Láctea Films, Zozo Films, Visafilmes, o obradoiro de cine de Petín e Domíngo Díaz P.C. rendeule en Vigo unha homenaxe cun documental. Baixo o título "Sempre Xonxa en Petín”, recollendo a experiencia dos veciños de Petín de Valdeorras que participaron na longametraxe da primeira película galega en 35 mm que foi rodada polo cineasta forcaricense en 1987.

Documental aniversario Xonxa en Petín

 

 

 



 

Nº de resultados:
1
Mostrar

Esta web utiliza cookies, podes ver a nosa política de cookies, aquí Se continuas navegando estás aceptándoa
Política de cookies +