A Corporación Municipal e Pleno

A Corporación Municipal e Pleno


O Pleno é o órgano de máxima representación política da cidadanía dentro do goberno municipal e está constituído pola alcaldesa e os concelleiros (é precisamente a alcaldesa a quen lle corresponde convocar e presidir as sesións plenarias aínda que pode delegar nalgún dos concelleiros).

Unha das funcións do Pleno municipal que ten maior relevancia, dentro das súas tarefas de fiscalización e control dos órganos de goberno, está a votación das mocións de censura e confianza. Así mesmo, do Pleno dependen os acordos relativos á alteración da composición ou dos lindes do termo municipal ou os acordos sobre a participación do Concello en órganos supramunicipais.

Do Pleno dependen tamén as aprobacións e modificacións de regulamentos orgánicos, ordenanzas, orzamentos, cadros de persoal, regulamentos municipais, etc. A aprobación inicial e final das tramitacións urbanísticas tamén é unha das competencias do Pleno, así como a transferencia das súas funcións a outras administracións ou a determinación do xeito no que o Concello xestionará os servizos municipais.

O Pleno da Corporación, acordou que a periodicidade das sesións do pleno será bimensual, en meses pares, celebrándose o terceiro xoves do mes, ás 12:00 horas, agás no mes de agosto que se celebrará o derradeiro venres do mes.

E está constituído por os seguintes membros:

PPG (PARTIDO POPULAR)

1.-Belén Cachafeiro Anta (Forcarei, 47 anos). Exempresaria do sector servizos e preside a Asociación de Mulleres de Forcarei (Amfor).

2.-Ricardo Villaverde Iglesias (Dúas Igrexas, 46 anos). Empresario gandeiro e presidente da Cooperativa Agraria de Forcarei (Coafor).

3.-María Jesús Sineiro Vidal (Forcarei, 47 anos). É diplomada e licenciada en Ciencias Empresariais e viticultora de profesión.

4.-Vicente Búa Martínez (San Miguel de Presqueiras, 34 anos). Técnico Superior en Xestión Comercial e Marketing, traballa na empresa local Vidrogal. Tamén é secretario da comunidade de montes e presidente da Sociedade Deportiva Presqueiras.

5.-Alejo Vidal Moreno (Meavía, 30 anos). Licenciado en Ciencias Empresariais e presidente do Atlético Forcarei de fútbol sala, da asociación cultural San Juan de Meavía e da asociación xuvenil San Amaro.

6.-José Francisco Bouzas Vázquez (Soutelo de Montes, 63 anos). Traballador de banca, na actualidade está xubilado. É secretario da Asociación Terra de Montes.

PSdeG-PSOE (PARTIDO SOCIALISTA OBREIRO ESPAÑOL)

1.-Ana Doval Fraíz (Soutelo de Montes, 38 anos). Licenciada en Ciencias Políticas e da Administración. Actualmente traballa en unha consultora en Santiago.

2.-Miguel Pereira Fernández (Cabanas, 43 anos). Encargado de obras públicas.

3.-José Álvarez Sanmartín (Morgade -Presqueiras,30 anos). Técnico de mantemento nuhna empresa de enerxía eólica.


BNG (BLOQUE NACIONALISTA GALEGO)

1.- Roberto Jorge Correa. (Presqueiras, 40 anos). Enxenieiro forestal. Traballa no Servizo de Defensa contra Incendios e é presidente de Apropiga, colectivo profesional de traballadores de este servizo. Forma parte da directiva da comunidade de montes de Presqueiras.

F. F (FORO FORCAREI)

1.- María Abilleira Pomar. (Forcarei, 42 anos). Mestra no CEIP Nosa Señora das Dores de Forcarei.


Rexistro de intereses

O Concello de Forcarei a través da Secretaría-Intervención (Elena Sueiro Fernández ) ten á disposición de todos aqueles que o soliciten, o rexistro de intereses da alcaldesa Belén Cachafeiro Anta e dos concelleiros que integran a corporación, que inclúe a súa declaración de bens e a de actividades e causas de posible incompatibilidade.

Ordes do día e actas plenarias




 

Nº de resultados:
1
Mostrar

Esta web utiliza cookies, podes ver a nosa política de cookies, aquí Se continuas navegando estás aceptándoa
Política de cookies +