Categoría: Actualidade

FORCAREI DESEÑA UN INTENSO NADAL CARGADO DE XOGOS, MÚSICA E TEATRO

FORCAREI DESEÑA UN INTENSO NADAL CARGADO DE XOGOS, MÚSICA E TEATRO


• O programa inclúe o concerto de ‘De Vacas’ e a visita do Apalpador, que se sumará ás tradicionais dos Reis Magos e Papá Noel
• O Concello ten en marcha unha campaña de doazón de xoguetes para que todas as familias do municipio poidan ter agasallos na Noite de Reis.


O Concello de Forcarei acaba de presentar a súa programación para este Nadal, deseñada para que toda a veciñanza, especialmente as nenas e nenos, poida gozar das próximas festas. A diversión está asegurada en Soutelo de Montes e Forcarei con numerosos espectáculos teatrais, sesións de xogos, música e a visita dos Reis Magos, Papá Noel e o Apalpador.

As actividades comezarán a próxima fin de semana. O venres 17 de decembro o ‘Axudante de Papá Noel’ ofrecerá unha sesión de contacontos circense de Nadal con clown, malabares e equilibrios (Praza da Igrexa, 17.00 horas) e o sábado 18 terá lugar o concerto do grupo ‘De Vacas’, do programa Musigal da Deputación e Pontevedra (Praza da Igrexa, 19.00 horas). O domingo 19 ‘O séquito branco do carteiro real’ de Troula Animación percorrerá as rúas de Soutelo e Forcarei para recoller as cartas d@s cativ@s (Soutelo 17.00 horas e Forcarei 18.15 horas) e Papá Noel estará na praza da Igrexa de Forcarei ás 19.00 horas para recibir a visita d@s nen@s.

O xoves 23 celebrarase unha intensa tarde de xogos en Forcarei con diferentes inchables (pista americana, campo de fútbol, tobogán de bolas...) e música de Nadal. Se o tempo o permite será na Praza da Igrexa de 17.00 a 20.00 horas e se chove trasladarase ao pavillón. Esta tarde de xogos realizarase tamén en Soutelo o martes 28, na Praza do Gaiteiro. Se chove terá lugar no pavillón de deportes soutelano.

O auditorio de Soutelo acollerá dous espectáculos teatrais. O domingo 26 terá lugar a sesión interactiva ‘A Bailar no Nadal’ e o domingo 2 de xaneiro ‘Charlie, o inventor de palabras’, de Carlos Sante, outra obra interactiva de improvisación e clown. A Soutelo chegará tamén o 28 de decembro O Apalpador, que percorrerá as rúas da vila ás 11.00 horas e acabará o seu paseo na Praza do Gaiteiro. Esta actividade está promovida pola Deputación de Pontevedra.

E o 5 de xaneiro terá lugar a tradicional Cabalgata de Reis. Sairá ás 17.00 horas de Soutelo e chegará a Forcarei ás 18.15 horas. Irá acompañada dun pasacalles da Banda de Gaitas de Forcarei e finalizará co reparto de chocolate con rosca e fogos de artificio.

Por outra banda, o Concello inaugurará o 22 de decembro o campamento municipal de Nadal para axudar ás familias coa conciliación. @s nen@s inscritos poderán gozar de moitas actividades ata o 7 de xaneiro, de luns a venres en horario de 9.00 a 14.00 horas en Soutelo de Montes e en Forcarei. O prazo de inscrición está aberto ata o día 17.

O goberno local mantén activa tamén unha campaña de doazón de xoguetes para doar ás familias de emerxencia social. Pódense entregar ata o 23 de decembro na casa consistorial, no bar do centro social de Forcarei ou na farmacia de Soutelo de Montes.

Finalmente o concurso ‘Decora a túa aldea’ mantén a inscrición aberta ata o 22 de decembro. O xurado percorrerá os distintos lugares ata o 31 de decembro e @s gañador@s daranse a coñecer o 5 de xaneiro, na cabalgata de Reis. Os premios inclúen a iluminación de Nadal a cargo do Concello o próximo ano na aldea gañadora, e un lote de produtos valorado en 2oo euros para a mellor decoración particular.




Programa



CAMPAÑA DE RECOLLIDA DE XOGUETES EN FORCAREI E SOUTELO

CAMPAÑA DE RECOLLIDA DE XOGUETES EN FORCAREI E SOUTELO


O Concello de Forcarei acaba de poñer en marcha unha campaña de doazón de xoguetes para que todas as nenas e nenos do municipio poidan ter agasallos este Nadal.

Necesítanse xoguetes preferiblemente novos para diferentes idades, nen@s pequen@s menores de 4 anos, artigos para cativ@s de 5 a 12 anos, e tamén agasallos para adolescentes.

Todos os xoguetes doados serán distribuídos ás familias de emerxencia social.

As persoas interesadas en colaborar con esta iniciativa poder entregar os xoguetes ata o 23 de decembro.

PUNTOS DE RECOLLIDA

  • Concello de Forcarei. De luns a venres de 8.00 a 15.00 horas.
  • Bar Centro Social de Forcarei. De 8.30 a 21.00 horas. Sábados pechado.
  • Farmacia de Soutelo de Montes. De 9.30 a 21.00 horas. Domingo pechado.



O CONCELLO ORGANIZA UN CAMPAMENTO DE NADAL EN SOUTELO E FORCAREI

O CONCELLO ORGANIZA UN CAMPAMENTO DE NADAL EN SOUTELO E FORCAREI


• Celebrarase do 22 de decembro ao 7 de xaneiro e está dirixido a nenas e nenos de 3 a 12 anos

• O prazo de inscrición estará aberto ata o 17 de decembro

 

As rapazas e rapaces do concello de Forcarei poderán gozar este Nadal dun campamento urbano durante o período de vacacións escolares. Así o confirmou a alcaldesa, quen anunciou que o período de inscricións abrirase o próximo 1 de decembro.

 

Esta iniciativa está dirixida a nenas e nenos de entre 3 e 12 anos de idade e desenvolverase entre os días 22 de decembro e 7 de xaneiro non mesmos lugares que o ano pasado. En Soutelo de Montes, no vestíbulo do auditorio municipal, e en Forcarei, no centro Social. O horario das actividades será de mañá, de 9.00 a 14.00 horas.  As prazas son limitadas e os grupos deberán ter un mínimo de 12 nen@s.

 

"Un Nadal máis queremos axudar ás familias coa conciliación e ofrecer ás nosas cativas e cativos unha alternativa de ocio chea de diversión e aprendizaxe, sempre o pasan moi ben”, manifestou Verónica Pichel.  Entre outras actividades, haberá clases de cociña de Nadal, manualidades relacionadas con estas festas, @s nen@s escribirán as cartas a Papá Noel e os Reis Magos e serán partícipes de moita festa.

 

As familias interesadas neste servizo deberán cubrir unha instancia dispoñible nas oficinas do Concello. Terán que entregar tamén fotocopias de DNI, libro de familia ou documento que acredite a situación familiar, título de familia numerosa se é o caso, xustificante de ocupación laboral e documentación que acredite a mobilidade ao posto de traballo ou a non posibilidade de teletraballo. As familias que xa participaron no campamento de verán non terán que presentar toda esta documentación adicional, só a instancia. Para a adxudicación das prazas terán prioridade @s empadroad@s en Forcarei e terase en conta a situación familiar das nenas e nenos: número de membros da unidade familiar, se as nais e pais traballan, etc.



A ALDEA COA MELLOR DECORACIÓN DE NADAL TERÁ PREMIO EN FORCAREI

A ALDEA COA MELLOR DECORACIÓN DE NADAL TERÁ PREMIO EN FORCAREI


- O Concello lanza un concurso para todas as aldeas do municipio e engade unha categoría á mellor decoración familiar.


- Os premios inclúen a iluminación de Nadal do vindeiro ano (2022-2023) para a gañadora e 200€ en produtos para a vivenda mellor ambientada

Para estender o espírito de Nadal polas 101 aldeas que conforman o concello de Forcarei, o goberno local acaba de lanzar o concurso ‘Decora a túa aldea’, quepremiará a mellor ambientación festiva en dúas categorías: a colectiva, para @s veciñ@s de cada aldea, e a familiar, para as persoas que realicen a súa montaxe na súa vivenda particular.

Con esta iniciativa, o Concello quere dinamizar a participación activa da veciñanza, colaborar na difusión dun ambiente de Nadal baseado en valores como o traballo en común e a cooperación, e dispoñer de elementos decorativos que aporten ás aldeas un entorno acolledor cheo de ilusión.

As persoas interesadas en participar no concurso deberán tramitar as inscricións??do 6 ao 22 de decembro.

Poderán facelo chamando ao Concello (??986 75 50 36) ou enviando un correo electrónico á??alcaldia@forcarei.net. As bases integras publicaranse na páxina web municipal,www.forcarei.net.

Os premios inclúen a iluminación de Nadal a cargo do Concello na aldea gañadora para o vindeiro ano 2022-2023 e, na categoría familiar (na que poden participar @s residentes no só das aldeas, senón tamén dos núcleos de Forcarei, Soutelo e Cachafeiro) unha cesta de produtos valorada en 200 €.

A decoración deberá estar exposta a partir do 21 de decembro e ata o 6 de xaneiro. O Concello elaborará un listado d@s participantes para que a poboación poida visitar as instalacións.

Para a valoración dos elementos decorativos, o xurado terá en conta o deseño, a orixinalidade, a iluminación e a utilización de materiais reciclables. A entrega de premios terá lugar o 5 de xaneiro.


 Bases do concurso



Forcarei elabora un Plan de Acción para o Clima e Enerxía Sustentable

Forcarei elabora un Plan de Acción para o Clima e Enerxía Sustentable


O Concello levará a pleno o documento para avanzar nos traballos a realizar tras a súa adhesión, en 2020, ao Pacto de Alcaldes para o Clima

Forcarei elabora un Plan de Acción para o Clima e Enerxía Sustentable

· O xoves haberá unha sesión de portas abertas para a veciñanza que queira saber máis sobre este proxecto e as liñas a seguir para a redución de emisións de CO2

Forcarei (22-11-21). O Concello de Forcarei está a finalizar a redacción do seu Plan de Acción para o Clima e Enerxía Sustentable (PACES), un documento que pretende deseñar os instrumentos e liñas de actuación para lograr a redución de emisións de CO2 en polo menos un 40% para o ano 2030, por medio esencialmente de medidas de eficiencia enerxética e dun maior uso de fontes de enerxía renovables.

Este documento é un dos compromisos adquiridos tras a súa adhesión, en xullo de 2020, ao Pacto de Alcaldes para o Clima e Enerxía Sustentable e levarase a pleno, para a súa aprobación definitiva. Este mesmo xoves, de 12.00 a 14.00 horas, haberá unha sesión de portas abertas no salón de actos do Concello para as veciñas e veciños que queiran coñecer este proxecto e as medidas a seguir para loitar contra o cambio climático.

O PACES estrutúrase en tres partes diferenciadas: un inventario de emisións de referencia das que facer un seguimento e así avaliar a efectividade de accións de mitigación, unha análise dos riscos e vulnerabilidades ante o cambio climático e, por último, as medidas previstas para reducir e limitar as emisións de gases de efecto invernadoiro e prepararse para os impactos do cambio climático.

Na elaboración do documento tomáronse como referencia datos concretos de consumos de gasóleo e electricidade en edificios e instalacións municipais e a produción de residuos para facer unha radiografía da situación actual e definir o conxunto de accións a levar a cabo.

Entre as actuación propostas, contémplanse algunhas que xa se iniciaron no Concello de Forcarei. O cambio de luminarias a LED, a humanización de diversos espazos nos núcleos de Forcarei e Soutelo de Montes, a instalación de enerxías renovables, a redución de consumo de combustibles fósiles e substitución progresiva por alternativas máis limpas, e a mellora da eficiencia enerxética nos edificios municipais son algunhas das liñas estratéxicas a seguir nos próximos anos.

A elaboración do Plan de Acción para o Clima e Enerxía Sustentable (PACES) finánciase grazas a unha subvención conseguida de 4.000 euros da Consellería de Medio Ambiente, Territorio e Vivenda, cofinanciada con fondos europeos.



PLAN DE ACCIÓN PARA O CLIMA E A ENERXÍA SOSTIBLE (PACES), Concello de FORCAREI

PLAN DE ACCIÓN PARA O CLIMA E A ENERXÍA SOSTIBLE (PACES), Concello de FORCAREI


Proxecto subvencionado ao abeiro das axudas destinadas a entidades locais asinantes do Pacto dos Alcaldes para o Clima e a Enerxía Sustentable

Frear o Cambio Climático

Operación cofinanciada pola Unión Europea, a través do FONDO EUROPEO DE DESENVOLVEMENTO REXIONAL (FEDER)


Obxectivos

• Minimizar o consumo enerxético no municipio en xeral.

• Incrementar o nivel de implantación das enerxías renovables.


Se alguen quere facer algunha suxerencia pode dirixirse o email do concello



Relación definitiva admitidos e excluidos no proceso de selección dun funcionario interino para a cobertura dunha praza de Técnico De Xestión, adscrito á

 Relación definitiva admitidos e excluidos no proceso de selección dun funcionario interino para a cobertura dunha praza de Técnico De Xestión, adscrito á


Visto que durante o prazo de presentación de NO PROCESO DE SELECCIÓN DUN FUNCIONARIO INTERINO PARA A COBERTURA DUNHA PRAZA DE TÉCNICO DE XESTIÓN, ADSCRITO Á ÁREA DE INTERVENCIÓN, NO CONCELLO DE FORCAREI, presentáronse os seguintes candidatos/as.


EXPEDIENTE Nº 1174/2021


Relación de Admitidos




II Campamento de Verán municipal

 II Campamento de Verán municipal


30/06/2021 EXP. 688/2021. LISTA DE ADMITIDOS/AS NO "2º CAMPAMENTO DE VERÁN CONCELLO DE FORCAREI”.

Rematado o prazo para a presentación de solicitudes de admisión para o "2º CAMPAMENTO DE VERÁN CONCELLO DE FORCAREI”, e á vista das solicitudes presentadas.

Visto que a competencia para a resolución do presente expediente está atribuída á Alcaldía

RESOLVO:

Primeiro.- ADMITIR NO "2º CAMPAMENTO DE VERÁN CONCELLO DE FORCAREI”, AOS SEGUINTES SOLICITANTES:

Lista de Admitidos



17/06/2021

O Concello Forcarei impulsa o II Campamento de Verán municipal para axudar coa conciliación

  • Oferta 60 prazas, 30 en Soutelo de Montes e 30 en Forcarei, para nen@s nacidos entre 2009 e 2017
  • O campamento é gratuíto e celebrarase dende o 1 de xullo ao 7 de setembro. A inscrición estará aberta dende mañá ata o 22 de xuño


As pequenas e pequenos do concello poderán gozar durante os meses de xullo e agosto do II Campamento de Verán que o Concello de Forcarei organiza en Soutelo de Montes e en Forcarei para axudar ás familias coa conciliación e para ofrecer ás nenas e nenos unha alternativa de lecer divertida e educativa.

Pendente de novas indicacións da Xunta de Galicia relacionadas coa protección fronte ao covid-19 para este tipo de actividades, o Concello oferta neste campamento un total de 60 prazas para pequen@s nacidos entre 2009 e 2017, 30 en Soutelo e 30 en Forcarei, e non terá ningún coste para as familias.

A previsión é que se celebre dende o 1 de xullo ata o 7 de setembro, ata que comece o próximo curso, de luns a venres en horario de mañá.

Para a adxudicación das prazas terán prioridade @s empadroad@s e terase en conta a situación familiar d@s nen@s: número de membros da unidade familiar, se as nais e pais traballan, etc. O prazo de inscrición estará aberto dende mañá mércores ata o 22 de xuño e as familias interesadas poderán cubrir o formulario nas oficinas do Concello. Terán que entregar tamén fotocopias de DNI, libro de familia ou documento que acredite a situación familiar, título de familia numerosa se é o caso, xustificante de ocupación laboral e documentación que acredite a mobilidade ao posto de traballo ou a non posibilidade de teletraballo. As que xa participaron nas Tardes de Lecer non terán que presentar toda esta documentación adicional, só a solicitude de inscrición.

Despois do éxito da edición pasada e da gran acollida que tiveron as ‘Tardes de Lecer’ durante o curso escolar, a alcaldesa

elo volverán ser as sedes operativas do campamento, aínda que se trasladarán ao exterior moitas das actividades previstas, en prazas, parques, ríos, montes ou nas piscinas municipais. Verónica Pichel non dubidou en repetir a iniciativa para os vindeiros meses. Deste xeito, o centro social de Forcarei e o vestíbulo do auditorio de Sout

Así mesmo, haberá moitas accións cunha finalidade educativa para que @s cativ@s repasen os contidos aprendidos durante o curso escolar, ou de fomento da imaxinación e do traballo en equipo, tratando temáticas como a igualdade, a familia ou as tradicións do municipio, entre outras. Realizaranse tamén obradoiros de todo tipo, cociña creativa, d
eporte e psicomotricidade, novas tecnoloxías, animación á lectura ou teatro e saídas a lugares próximos para coñecer o contorno e recursos turísticos de Forcarei.
O persoal estará formado por unha educadora social licenciada en Psicopedagoxía, outras dúas educadoras sociais e dúas monitoras de ocio e tempo libre.

Finalmente, agárdase que a situación epidemiolóxica permita facer algunha excursión a un parque acuático e algunha xornada de convivencia entre os dous grupos de Soutelo e Forcarei.





INFORMACIÓN PÚBLICA PARQUES EÓLICOS 2021

INFORMACIÓN PÚBLICA PARQUES EÓLICOS 2021


Anuncio da Área de Industria e Enerxía da Subdelegación do Goberno en Pontevedra polo que se somete a información pública as solicitudes de Autorización Administrativa Previa e de Declaración, en concreto, de Utilidade Pública, e o Estudo de Impacto Ambiental do Parque Eólico Siroco, de 61’6 MW, situado no termo municipal de Cerdedo-Cotobade (Pontevedra), Parque Eólico Tramontana, de 72’8 MW, situado nos termos municipais de Forcarei e Silleda (Pontevedra), e a súa infraestrutura de evacuación, situada nos termos municipais de Cerdedo- Corobade, Forcarei (Pontevedra) e Beariz (Ourense).





Documento completo en Pdf



BASES REGULADORAS CONCURSO DE TAPAS 2021

BASES REGULADORAS CONCURSO DE TAPAS 2021


O Concello de Forcarei organiza a primeira edición do Concurso de tapas.

O obxectivo e dar a coñecer a variedade e riqueza gastronómica do municipio coa colaboración dos establecementos hostaleiros da zona.

Preténdese acadar con esta iniciativa unha promoción do concello que, a súa vez, redunde no impulso e dinamización do sector hostaleiro e comercial da comarca a través da difusión, entre o público en xeral, da calidade e variedade gastronómica coa que conta o Concello.




INFORMACION PERMISO DE CONDUCIR

 INFORMACION PERMISO DE CONDUCIR


A DXT é o organismo encargado da emisión de permisos de conducir en España. Para garantir que todos os condutores teñen as aptitudes necesarias para conducir os diferentes vehículos, realizan exames nos cales avalían os coñecementos e as habilidades para obter os diferentes tipos de permisos e licenzas. En caso de realizalo por conta propia, debe de solicitar o exame a través da seguinte ligazón: https://sede.dgt.gob.es/es/permisos-de-conducir/obtencion-renovacion-duplicados-permiso/permiso-conducir

Os candidatos para realizar devanditos exames, deben obter unha formación previa. https://www.onroad.to/teorico/test-dgt-gratis

Aquí poderá atopar todo o material oficial actualizado e a axuda necesaria para cumprir os seus obxectivos.



“Elas” Proxecto de visibilidade das mulleres do concello de Forcarei

“Elas” Proxecto de visibilidade das mulleres do concello de Forcarei


Mulleres de Forcarei

Mural homenaxe as mulleres do Concello de Forcarei

Tres mulleres coñecidas –a impulsora da parcelaria, Xana da Ponte; a protagonista do filme de Chano Piñeiro, Mamasunción; e a mestra Carme Cubela– e outras tres anónimas. Son o eixo da intervención artística financiada por a Deputación e que destaca o peso da muller na historia cultura galegas.




SUSPENSIÓN DA FEIRA DE SOUTELO

SUSPENSIÓN DA FEIRA DE SOUTELO


Vista a influencia da pandemia do virus COVID 19 (Coronavirus) na poboación , e a si tuación de risco para a saúde pública, e atendendo ás recomendacións das autoridades sanitarias, e de conformidade do establecido na Lei 7/1985, de 2 de abril, Reguladora de las Bases del Régimen Local


RESOLVO

PRIMERO.


Adoptar as medidas que se describen a continuación a consecuencia dos seguintes feitos :



PANDEMIA DE VIRUS COVID 19 (Coronavirus) que supoñen unha situación de RISCO SANITARIO XERAL

- SUSPENSIÓN DA FEIRA DE SOUTELO DE MONTES QUE TERÍA QUE CELEBRARSE O DÍA 24/02/2021

 

Decreto



O Castro de Rodeiras

O Castro de Rodeiras


Os castros foron aldeas fortificadas. Adoitaban estar situados en outeiros ou lugares singulares, así podían ver quen se achegaba e dominaban ríos e camiños.

Os castros estaban protexidos por unha ou varias liñas de muros, parapetos e foxos. Ao Castro entrábase, cando menos, por unha porta (como a atopada hai pouco nas Rodeiras). Ao carón da porta ás veces había estatuas de pedra.

As vivendas adoitaban ser circulares pero tamén hai moitos exemplos con forma rectangular e oblonga. N un principio as paredes estaban construí das con zócalos de pedra e palla barro e posteriormente por cachotes. Os teitos facíanse cunha estrutura de madeira e palla de cereal.
Estas casas tiñan fornos, muíños, pías para os anima is ... O chan normalmente era de terra.

As xentes dos castros bebían auga, cervexa, leite ... e comían cereais, carne, peixe, incluso marisco se estaban achegados ao mar. lsto sábese polos restos de ósos, espiñas e cunchas que atopan os arqueólogos/as nos chamados cuncheiros.

Vestían roupas de pel e tecido que elas e eles mesmos confeccionaban. Usaban saias, pantalóns, capas e mantos. Algúns afeitábanse con alfaias de ouro!!. Hoxe en día podemos ver obxectos marabillosos da cultura castrexa nos nosos museos.

Dominaban a metalurxia perfectamente e facían ferramentas e obxectos de uso diario como coitelos, anzois, fouciños, cuneas, fibelas para as roupas, pesos para as redes ... Os guerreiros castrexos tiñan espadas, machados e lanzas que fabricaban con bronce ou ferro, e pequenos escudos redondos.

O traballo de cantería era moi bo xa que levantaban muros e portas enormes, casas, muíños e incluso tallaban cabezas humanas e de animais, guerreiros enormes, adornos con forma de espiral, de trisque! ou xeométricos para as casas.

En cerámica creaban cuneas, vasillas, potiños e olas, ás veces, con decoracións sorprendentes. Tamén construían obxectos de todo tipo en madeira. Facían os muíños con dúas pedras, unha máis ben plana onde se esmagaba o grao coa outra pedra que tiña forma de rolo.

As xentes que habitaban nos castros relacionábanse e comerciaban entre elas e con outros pobos como os fenicios ou os romanos.

CLAVE DE IDENTIFICACION: GA36018007

LOCALIZACION:

Provincia: Pontevedra.
Concello: Forcarei.
Parroquia: Millerada (San Mamede).
Lugar: Garellas
Altitude: 655 m.s.n.m.

DESCRICIÓN:

Poboado fortificado da ldade do Ferro situado no cumio dun pequeno outeiro, que domina a aldea de Garellas dende o leste.
O xacemento componse dun recinto principal ou croa de forma oval coa entrada principal ao SL. Esta, ábrese a un pequeno antecastro. Un foxo duns 6 m. de anchura defende o sector leste e norte da croa. Este sistema defensivo compleméntase coa presenza de fortes terrapléns todo arredor do recinto principal, que acadan a súa maior altura no sector oeste. Ao leste apréciase un terraplén de 12,5 m. e un parapeto de 4 m.

DIMENSIÓNS:

Eixo maior (N-5) 85 m. Eixo menor (L-O) 65 m.

DESTRUCIÓNS:

Aínda que o xacemento se atopa aparentemente en bo estado, dé bese resaltar que nos anos 90 do século XX se apreciaban remocións na croa resultado de escavacións furtivas. Asemade, recentemente tivo alí un campo de fútbol.

FOLCLORE:

- Cóntase que ten un túnel que vai ata o castro de Sanguñedo.
- Disque ás veces aparece unha galiña que leva uns pitos de ouro que desaparecen ao intentar collelos.
- Tamén se di cía que vivían alí mauros e que marcharon á guerra e algúns quedaron alí escondidos.
- Outra lenda di que na gabia que rodea o castro hai tres vigas, unha de ouro, outra de prata e outra de "alcatrán".




O CONCELLO PAGARÁ 10 EUROS A CADA FORCARICENSE QUE GASTE 30 NO COMERCIO E NA HOSTALERÍA LOCAIS

O CONCELLO PAGARÁ 10 EUROS A CADA FORCARICENSE QUE GASTE 30 NO COMERCIO E NA HOSTALERÍA LOCAIS


• Investirá 5.000 euros nesta campaña para promover o consumo no municipio, especialmente orientada aos negocios máis afectados pola crise sanitaria

• Distribuiranse 500 bonos de 10 euros paras veciñas e veciños maiores de idade e empadroados na localidade, cun máximo dun por persoa.

• Esta campaña permitirá xerar un movemento de cartos por valor dun mínimo de 15.000 euros entre as pemes de Forcarei

• Os establecementos poderán adherirse á iniciativa ata o vindeiro xoves e os bonos comezarán a distribuírse o 21 de decembro. As compras poderán efectuarse entre o 21 de decembro e o 31 de xaneiro

O Concello de Forcarei porá en marcha a partir da vindeira semana unha campaña para promover o consumo nos establecementos da localidade mediante a que achegará á veciñanza 10 euros por cada compra que efectúen cun valor igual ou superior a 30 euros, o que significa que @s consumidores pagarán 20 euros e o Concello os 10 restantes.

O Goberno local investirá nesta iniciativa un total de 5.000 euros, o que supón que se distribuirán 500 bonos de 10 euros (un por persoa) para gastar en negocios de Forcarei, promovendo un movemento de diñeiro por valor de polo menos 15.000 euros.

"Ademais de fomentar o consumo local nestas datas de Nadal, con esta campaña queremos axudar ás empresas de Forcarei a ter un volume máis alto de negocio, principalmente ás máis afectadas pola crise sanitaria derivada do coronavirus que tiveron que pechar as súas portas durante o estado de alarma, e ao mesmo tempo concienciar á poboación sobre a necesidade de colaborar coas empresas locais”, manifestou a alcaldesa Verónica Pichel.

Poderán beneficiarse desta campaña as veciñas e veciños empadroad@s no concello de Forcarei, maiores de idade, previa solicitude na casa consistorial. O número de bonos está limitado a un por persoa ata esgotar as 500 unidades.

As empresas interesadas en participar nesta iniciativa deberán adherirse á mesma desde mañá ata o xoves 17 de decembro e @s veciñ@s poderán pedir os bonos a partir do luns 21 de decembro no Concello de Forcarei, solicitando cita previa no??986 75 50 36 (extensión 2029). 

Así mesmo, as compras obxecto desta campaña poderán realizarse entre o 21 de decembro e o 31 de xaneiro.

Pola súa banda, as empresas poderán enviar as facturas e bonos ao Concello para o seu pagamento entre o 11 de xaneiro e o 11 de febreiro.


Bases Reguladoras




 

Nº de resultados:
132
Mostrar

Esta web utiliza cookies, podes ver a nosa política de cookies, aquí Se continuas navegando estás aceptándoa
Política de cookies +