Categoría: Contido

Calendario do contribuínte para o exercicio 2017

Calendario do contribuínte para o exercicio 2017


De conformidade co previsto no art,12 do Texto Refundido da Lei Reguladora das acendas Locais, en relación co artigo 62 da Lei Xeral Tributaria e os artigos 23 e seguintes do Regulamento Xeral de Recadación, de 29 de xul1o de 2005 (Real Decreto 939/2005) comunícaselles aos contribuíntes afectados o seguinte calendario:


Deberase ter en conta a data límite de ingreso para cada tributo no horario de caixa de cada entidade bancaria colaboradora (art,19,3 do Regulamento Xeral de Recadación). O Imposto deberá satisfacerse, consonte ca artigo 23 e seguintes do Regulamento Xeral de Recadación, empregando os instrumentos de ingreso (recibos) que se enviarán aos domicilios dos contribuintes, a través das entidades bancarias seguintes:

  • ABANCA
  • BANCO SANTANDER
  • BANCO SABADELL GALLEGO
  • BANCO PASTOR


Os contribuintes que non recibiran nos seus domicilios os instrumentos de ingreso, poderán solicitalos ata a data de finalización do período voluntario de cada tributo nas Oficinas Xerais do Concello, no seguinte horario:

  • Luns de 8:00 ata 15 horas e de 16:30 a 19 horas
  • Martes, mércores, xoves e venres de 8:00 a 15:00 horas

Posto que a non recepción do recibo non exonera da abriga do pagamento nin impide a utilización da vía de constrinximento.
o presente anuncio que ten o carácter de notificación colectiva ao abeiro do previsto no artigo 102.3 da Lei 58/2003, de 17 de decembro, Xeral Tributaria.

O vencemento do prazo en período voluntario, sen ter sido satisfeita a débeda, determinará o comezo do procedemento executivo, a percepción do recargo correspondente e demais conceptos esixibles, tal e como se fixa nos artigos 26, 28 e 161 da Lei 58/2003 Xeral Tributaria e 69 e seguintes do RD 939/2005 de 29 de xullo que aproba o Regulamento Xeral de Recadación.

Aconsellámoslle que, para a súa comodidade, domicilie o pagamento dos seus tributos en calquera entidade bancaria. Para elo bastará con que cubra o impreso de domiciliación que se lle facilitará nas Oficinas Xerais do Concello e na paxina web do mesmo.



 

 

IMPOSTO VEHÍCULOS DE TRACCIÓN MECÁNICA (IVTM)

 

  • Data de comezo do período voluntario:……………... 3 de abril de 2017
  • Data de finalización do período voluntario:………… 2 de xuño de 2017
  • Data de cargo en conta dos recibos domiciliados:...… 2 de xuño de 2017

 

TASAS MUNICIPAIS (auga, lixo, sumidoiros, entrada carruaxes, beirado, cemiterio, ocupación beirarrúa, recoñecemento de vehículos)

 

  • Data de comezo do período voluntario:……………... 1 de xuño de 2017
  • Data de finalización do período voluntario:………... 31 de xullo de 2017
  • Data de cargo en conta dos recibos domiciliados:….. 31 de xullo de 2017

 

IMPOSTO SOBRE BENS INMOBLES (IBI Urbana e IBI Rústica)

 

  • Data de comezo do período voluntario:……………..... 1 de agosto de 2017
  • Data de finalización do período voluntario:………… 2 de outubro de 2017
  • Data de cargo en conta dos recibos domiciliados:…... 2 de outubro de 2017

 

IMPOSTO SOBRE ACTIVIDADES ECONÓMICAS (IAE)

 

  • Data de comezo do período voluntario:…………….... 1 de setembro de 2017
  • Data de finalización do período voluntario:……….… 6 de novembro de 2017
  • Data de cargo en conta dos recibos domiciliados......... 6 de novembro de 2017

 


 

 


 



Convocatoria contratación de persoal. Plan Concellos 2017

Convocatoria contratación de persoal. Plan Concellos 2017



O Concello de Forcarei, con cargo a subvención do Plan Concellos 2017 da Excma. Deputación Provincial. Liña 3 emprego, vai a contratar as seguintes servizos:

Servizo de medio ambiente.- 4 traballadores

desempregados, da seguinte forma:

· 3 peóns forestais, durante 8 meses

·1 peón para recollida de lixo, durante 8 meses

Servizo de obras públicas.- 5 traballadores

desempregados da seguinte forma:

·1 operario de servizos (peón obras públicas) para o karting, durante 8 meses,

·1 operario de servizos (peón obras públicas) para instalacións deportivas, durante 8meses

·1 condutor de camión e maquinaria, durante 6 meses

·1 oficial de obras públicas, Albanel, durante 8 meses

·1 peón de obras publicas durante 6 meses

As persoas que esten interesadas deben estar inscritas na oficina de emprego de A Estrada antes do venres dia 31/03/2017 como desempregadas

Anuncio Completo

Bases de Contratacion



ENTROIDO 2017

ENTROIDO 2017


Domingo 26 de Febreiro:
Festa Infantil de ENTROIDO.
Xogos, talleres, bailes e concurso de disfraces. Contaremos con: Mickey, Mini e Goofy.  Ademais dunha Festa con temática bucaneira.
Con talleres de Globoflexia e Maquillaxe.
A partires das 18:00h

Martes 28 de Febreiro

Festa-Concurso de ENTROIDO
Para Adultos.
A partires das 18:00h
CONCURSO CON PREMIOS

Cartel
Bases do Concurso



Inspección Técnica de Vehículos

Inspección Técnica de Vehículos


Días : 27 e 30 de xaneiro de 2017.

HORARIO :

Día 27 :
   9:00 a 13:30 horas.
   15:15 a 18:00 horas

Día 30 :
   9:00h a 13:30 horas

Asignarase CITA PREVIA chamando ó telefono :

• A través da páxina web : www.sycitv.com
• Por teléfono : 902 30 90 00

LUGAR SOUTELO DE MONTES. POLIGONO INDUSTRIAL DE VILAPOUCA. (preto de Alimentos Amorodo S.L.)

Cartel



Bo Nadal e Feliz 2017

Bo Nadal e Feliz 2017


Desde o Concello de Forcarei, desexámosvos a todos ¡Felices Festas e un Próspero 2017 en compañía das vosas familias, amigos e seres queridos!



Nadal 2016-17. Programación

Nadal 2016-17. Programación


Venres 23 as 17:30h

No Pavillón de Forcarei,
Parque lúdico de Hichables con Tobogán Lunny e Multiarcos
Amenizado con unha festa temática!!

Xoves 29 as 17:00h

Na Concello, visita do Apalpador.

Venres 30 as 17:30h

No Pavillón de Soutelo de Montes
Hichables de Salto, e Bob Esponja
Amenizado con unha festa temática!!

Xoves 5 de Xaneiro


Cabalgata de Reis con saída de Soutelo de Montes as 18:30h, e chegada e recepción na Praza do Concello en Forcarei sobre 19:00h

Cartel
Diptico



Obra de Teatro. RETRINCOS DE CASTELAO

Obra de Teatro. RETRINCOS DE CASTELAO


O Venres 16 de Decembro as 19:00 horas no Auditorio de Soutelo de Montes.

Chegará a Forcarei a obra 'Retrincos de Castelao', no marco da programación teatral do Ano Castelao da Deputación de Pontevedra. Trátase dunha obra creada pola compañía Culturactiva para achegar ao público actual a vida e a traxectoria de Castelao, combinando a comedia con elementos dramáticos. Dirixida por Diego Rey, esta obra pon sobre o escenario a dous actores amplamente coñecidos na escena galega, Isabel Risco e Fran Rei.

'Retrincos de Castelao' parte de textos do propio Castelao, fundamentalmente de Cousas e Retrincos, e dunha ducia de viñetas, que dan como resultado un texto que vai saltando da vida á obra do autor rianxeiro e permite abordar todas as arestas do personaxe e ir repasando as súas facetas: a humana, o humorista, o debuxante e o político.

'Retrincos de Castelao' é un espectáculo de pequeno formato que, segundo xa explicara o actor Fran Rei no día da presentación da programación, "será un espectáculo ácido co que pretendemos achegarnos ao humor de Castelao, que tamén era ácido e cheo de pensamento político e de crítica". Asegurara, ademais, "que o texto é un arma de construción masiva nun momento no que os gobernos intentan botar terra sobre a nosa identidade".



IV Carreira Popular. Forcarei 2016

IV Carreira Popular. Forcarei 2016


 CATEGORÍAS:

  • Prebenxamíns (100m)
  • Benxamíns (200m)
  • Alevíns (1.200m)
  • Infantís/Cadete (2.200m)
  • Absoluta (7.500m) 

10 de Decembro de 2016

Inscrición:

Emesports.es

  • Recollida de dorsais as 16:00h
  • Comezo das carreiras as 17:30h
Cartel



1ª Mostra de Torneado e Talla

1ª Mostra de Torneado e Talla


Do 5 ó 11 de Decembro.

Exposición de pezas a cargo de Vicente  Cortizo Blanco.

No salón de Actos do Concello.

Cartel
Diptico



Aquí Galicia, da TVG en Forcarei

Aquí Galicia, da TVG en Forcarei


Tres horas de conexión en directo dende Forcarei! O programa "Aquí Galicia", da TVG, traerá a festa á Praza da Igrexa e fará un percorrido polas nosas parroquias, pola nosa música e pola nosa gastronomía.

Non volo perdades!



FESTA DA RICHADA E O PROGRAMA MUNICIPAL DE ACTIVIDADES PARA ESTA CITA GASTRONÓMICA

FESTA DA RICHADA E O PROGRAMA MUNICIPAL DE ACTIVIDADES PARA ESTA CITA GASTRONÓMICA


O Concello de Forcarei e os hostaleiros da capital municipal veñen de presentar o seu programa de actividades por mor da viséximo terceira edición da Festa Gastronómica da Richada, que se desenvolverá entre os días 3 e 6 de decembro, pero que contará con eventos complementarios ata o día 10.

Así, no eido puramente culinario, os restaurantes París, Victoria e Florida van poñer en marcha catro xornadas de festa, do sábado 3 ao martes 6, nas que os comensais poderán gozar dun completo menú de richada a un prezo de 15 euros. As persoas interesadas poden formular as súas reservas previas nos teléfonos 986 754012 (Victoria), 986 754134 (París) e 986 755033 (Florida).

Pola súa banda, e para complementar e apoiar a iniciativa dos hostaleiros, tal e como se está a facer nos últimos anos, o Concello de Forcarei promove e organiza unha serie de actividades orientadas a incrementar o fluxo de xente e de clientes que se acheguen ata Forcarei durante estas primeiras datas de decembro.

Para comezar, o vindeiro día 3 emitirase o programa "Aquí Galicia”, da Televisión de Galicia (TVG), gravado dende a localidade co obxectivo de incidir na promoción de Forcarei e da súa richada. Haberá unha gran carpa e as actuacións musicais dunha orquestra e de grupos da zona.

Xa o luns 5, procederase á inauguración, no salón de actos do consistorio, dunha mostra de traballos de madeira tallada elaborada por Vicente Cortizo Blanco. Esta colección, que estará exposta durante unha semana, foi presentada hoxe pola alcaldesa, Belén Cachafeiro, e o artista xunto co resto de actividades da richada.

Finalmente, o sábado 10 celebrarase a cuarta edición da Carreira Popular da Richada, que achegará novamente a centos de persoas ata Forcarei entre participantes, equipos, familiares e siareiros. A proba, que arrancará ás 17.30 horas da Praza do Concello, contará novamente coa exitosa competición entre as parroquias do municipio e tamén coas categorías prebenxamín, benxamín, alevín, infantil, cadete e absoluta con percorridos que oscilan entre os 100 metros e os 7,5 quilómetros. As inscricións poden formalizarse na web www.emesports.es.

Cachafeiro destacou a consolidación da richada "como a gran cita gastronómica de Galicia de comezos do mes de decembro” e destacou o esforzo dos hostaleiros "para impulsar o noso prato por toda Galicia”. Asimesmo, explicou que o Concello segue medrando no seu apoio a esta cita "cun programa de actividades paralelo cada vez máis intenso que pretende favorecer que Forcarei se encha de xente nesta primeira quincena de decembro”. Neste senso, amosouse convencida de que esta edición será un éxito "polo prestixio da richada, a coincidencia cunha longa ponte e o completo e variado programa de actividades promovido polo Concello”.



Nova Tempada de Pilates 2016-2017

Nova Tempada de Pilates 2016-2017


INSCRICIÓNS POR ORDE DE ACHEGA.

LUGAR E DATA FIN DE INSCRICIÓN: NO CONCELLO ATA O VENRES 18 DE NOVEMBRO.

  • PILATES FORCAREI:
DATA DE INICIO: 23 DE NOVEMBRO.

  • PILATES SOUTELO DE MONTES:
DATA DE INICIO: 25 DE NOVEMBRO.

Cartel



EXCURSiÓN A SALVATERRA DE MIÑO E PARQUE DA CANUDA

EXCURSiÓN A SALVATERRA DE MIÑO E PARQUE DA CANUDA


A ASOCIACIÓN DE MAIORES DE FORCAREI, EN COLABORACIÓN COA EXCMA. DEPUTACIÓN PROVINCIAL DE PONTEVEDRA, ORGANIZA:

EXCURSIÓN A SALVATERRA DE MIÑO E PARQUE DA CANUDA.
(04 de Novembro de 2016)
O prezo é de 12 € por persoa, que inc1úe:

• Visita ao Centro de Interpretación do Viña e da Lamprea.
• Visita ás tradicionais pesqueiras nos dous lados do río Miño.
• Autobús e comida.

.:. Horario saída Soutelo (Praza do Gaiteiro): 9:30
.:. Horario saída Forcarei (Centro Social): 9:45

LUGAR DE INSCRIPCIÓNS: CONCELLO DE FORCAREI (SERVIZOS SOCIAIS)
TELÉFONO: 986755149

PLAZO ATA O 27 DE OUTUBRO

Cartel



Descobren unha estrutura de sete metros de fondo nos pozos das Neveiras de Fixó

Descobren unha estrutura de sete metros de fondo nos pozos das Neveiras de Fixó


As escavacións revelan que estes espazos para a produción de xeo van máis aló de dous pozos, xa que contan con muros perimetrales e accesos forrados en pedra

As dez primeiras xornadas de escavacións e traballo arqueolóxico no entorno das neveiras de Fixó, espazos de orixe medieval para a produción de xeo, deron importantes froitos. Coas primeiras accións, no marco da colaboración establecida entre o Concello de Forcarei e a Axencia Galega de Turismo, as previsións víronse totalmente superadas xa que, púidose descubrir unha estrutura "colosal e enorme" con muros perimetrales, accesos en con lousados de pedra e pozos de polo menos sete metros de profundidade. "Todo apunta a que podería tratarse dun achado único en Europa".






Bando contención do avance da praga dos cítricos

Bando contención do avance da praga dos cítricos


Traballos da consellería do medio rural para a contención do avance da praga dos cítricos (limoeiros, laranxeiras, etc) denominada trioza erytreae ou psílido africano

O insecto denominado Trioza erytreae, praga das denominadas de corentena na UE, foi detectado por primeira vez en Galicia en 2014. Desde entón tense extendido por toda a costa e mesmo ten entrado cara ao interior, favorecido polo clima morno dos ríos, especialmente o Ulla, O Umia e o Miño.

As parroquias onde se ten detectado a presenza deste insecto pasan a ser zonas demarcadas para esta praga.

Polo de agora, ningunha parroquia do termo municipal de Forcarei está incluída dentro de zona demarcada pola presenza de Trioza; non obstante, débese ter presente que si están demarcadas outras zonas da Comarca do Tabeirós - Terra de Montes (en particular, varias parroquias da Estrada).

Este insecto provoca danos nos cítricos, en forma de malformacións (verruguiñas como as que aparecen na foto) nas follas máis novas, que se van volvendo amarelas e finalmente poden chegar a caer, quedando os brotes espidos. Non adoita a ser mortal para a árbore pero o verdadeiro risco deste insecto é que pode actuar como transmisor dunha bacteria que si mataría a árbore infectada.

Por iso o Ministerio de Agricultura, Alimentación e Medio Ambiente considerou necesario establecer un operativo para someter a tratamento fitosanitario os cítricos situados nas zonas afectadas, a fin de intentar conter o avance da praga.

Tal operativo está a ser levado a cabo pola empresa TRAGSA, por encargo da Consellería do Medio Rural, a partir do primeiro de maio.

Forcarei ten a condición de ser área libre limítrofe con zona demarcada e de ser unha posible área de expansión daquela. Por iso, escolleuse como un dos concellos onde TRAGSA pretende aplicar tratamentos.

Así pois, varios equipos desprazaranse por gran parte do termo municipal de Forcarei (principalmente polas parroquias situadas no Oeste), chamando casa por casa, para tratar cun produto fitosanitario autorizado (de baixo risco medioambiental) todas as plantas susceptibles de sufrir o ataque deste insecto.

Por iso, advertimos aos veciños das parroquias forcareiesas anteditas da existencia e motivo do operativo despregado para o tratamento dos cítricos nas casas particulares, que está a ser realizado por persoal de TRAGSA. Os tratamentos fitosanitarios van ser aplicados coas precaucións debidas por persoal cualificado e o seu custo económico non vai ser en absoluto repercutido ao propietario.

Para que poida ser levado a cabo este operativo precisamos a colaboración dos veciños, de xeito que permitan acceder ao persoal identificado como TRAGSA, a fin de que poidan comprobar a existencia de cítricos e, nunha visita posterior, tratar estas árbores.

Ante calquera dúbida, poden chamar ao tlfno. da Consellería de Medio Rural 986805446 (Servizo de Explotacións Agrarias - Pontevedra)




 

Nº de resultados:
43
Mostrar

Esta web utiliza cookies, podes ver a nosa política de cookies, aquí Se continuas navegando estás aceptándoa
Política de cookies +